عرس الوطن

شاعرات وشعراء

الثلاثاء، ١٩ أبريل ٢٠٢٢

دق الفرح الباب عليِّ
    **
وقلي فيقي ...
    **
كافي نوم يا هالصبية
    **
كنت غرقانة بالنوم ..
    **
عم فكر بسر هالكون ..
    **
 بوجع القدس والجولان ..
    **
  وين النخوة العربية ..
   **
وكيف ليلى الطيوبة ..
     **
كانت رح تصير الضحية
    **
ولولا حلم الله ..
    **
 وحراس الغابة ..
    **
وذكاؤها وفطنتها ..
    **
التهمها الذئب الطماع وصارت منسية
    **
قلي الفرح فيقي ...
    **
بكفي أحلام وحزن ...
    **
ليلى اليوم  ...
    **
العروس المجلية
    **
جاوبت الفرح ..
    **
لا تكون غلطان
    **
تايه بالعنوان
    **
لك لا تكون سكران
    **
ولا مانك عرفان
    **
ليلى .....
    **
 ضايعة لهلق بالبرية
    **
قلي الفرح ...
    **
ماني غلطان
    **
يحرم عليِّ شرب الكاس ..
    **
 ومن الصبح شفة الفنجان
    **
وأنا عشرة على عشرة صحيان
    **
ما أنت بنت الشهيد فلان؟
    **
فتحت بسرعة عيني
    **
قلي ....
    **
شفت سورية عم تلبس توب العرس
    **
ورح تفرد جدايلها بالشوارع المضوية
    **
وقالت لي:
    **
قول لبنت الشهيد تمشطها بحنية
    **
جيت لبشرك .. يا هالصبية
    **
ما بدي خليها أدامك حكاية مخفية
    **
نحن من زمان أصحاب القضية
    **
وبيّك موجود بقلوبنا ...
    **
موجود حتى بالمصاحف المطوية
    **
يمكن ضحكت ....
    **
لا والله .. فرحت هالصبية
    **
وقالتلي ...
     **
عرس سورية ...
    **
 هو عرس كل هالناس وعرس بيي
    **
ويارب يصير العرس عرسين
    **
 وتتوحد كل العرب ونصير ..
     **
أمة وحدة عربية
           ****

الشاعرة رانيا البارودي